古诗《悯农 其二》2016年秋季人教版小学一年级语文上册 改编 麦小姐 朗读 岑然周

古诗《悯农 其二》2016年秋季人教版小学一年级语文上册

  改编  麦小姐     朗读  岑然周

悯农   其二

【唐】李绅

锄禾日当午，

汗滴禾下土。

谁知盘中餐，

粒粒皆辛苦。

译文：

农民拉辣辣大热天个太阳头下头辛勤耕作，汗水滴到烂泥里向。但有啥人会想着，阿拉碗里个白米饭，每一粒侪饱含了农民拉个血汗呢？

注释：

悯：怜悯。搿搭有同情个意思。

禾：谷类植物个统称。

餐：一作“飧”。熟食个统称。

赏析：

诗一上来，就描绘了烈日当空个中浪向，农民拉仍旧辣辣田里耕作，一头个汗水，滴到地里，为下头个“粒粒皆辛苦”一句，提供了富有画面感个经典形象。整首诗，既表现出了农民拉勿关气候多少恶劣，一年到头辛勤劳作个生活原型；又用两句深沉个感叹，表达了诗人对统治阶级个愤恨以及对劳动人民个同情。

搿首小诗，辣百花齐放个唐朝诗坛，虽勿及其他名篇名诗，但因其深刻个内涵脱通俗个语言，让伊辣民间广为流传。

作者简介：

李绅（公元772年—846年）汉族，亳州人（今属安徽），生于乌程（今浙江湖州），长于润州无锡（今属江苏）。字公垂。27岁考中进士，补国子助教。 忒元稹、白居易交游甚密。伊一生顶闪光个部分在于诗歌，参与过“新乐府运动”。作有《乐府新题》20首，已佚。 《全唐诗》存其诗四卷。两首 《悯农》诗更是千古传诵。